كتابة رغبات تنسيق الثانوية العامة وموعد المرحلة الأولى لتنسيق 2020✅
سوف نقوم بشرح كل التفاصيل من :- كتابه الرغبات وشرح التوزيع الجغرافى والأقليمى لازم تتابع الشرح للنهاية دا علشان تعرف تكتب رغباتك باذن الله المرحلة الأولى للتنسيق هتبدا يوم 22/8 والسبب فى التاخير علشان أختبارات القدرات تاخرت عن كل سنه 👇
الشرح دا هيمشى مع ال 3 مراحل للتنسيق مش المرحلة الأولى فقط 🤔أول خطوه هعرف إزى أنا تبع المرحله الأولى ولا ؟
قبل بداية المرحلة الأولى هينزل منشور رسمى من الوزاره بالحد الأدنى للمرحله الأولى لكل شبعة لو مجموعك داخل فى المرحله يبقى من حقك تدخل تنسيق المرحله الأولى غير كدا هتنتظر التانية ✅
كتابة الرغبات 👏
هتدخل على الموقع الخاص بالتنسيق لما الموقع يفتح رابط الموقع من هنا :
موقع تنسيق الثانوية العامة شكل الموقع لما المرحلة الأولى تفتح هيبقى كدا
بعد كدا هتضغط على ( الدخول للصفحه ) هتظهرلك
البيانات كلها وأضحه فى الصورة دا ماعدا الرقم السري فى ناس ممكن متعرفش هو فين ! هتلاقى الرقم السرى موجود فى استمارة النجاح اللى أنت جايبها من المدرسة
بعد ماتضغط على الخطوه التالية هتدخل صفحة جديدة لو أنت اول مره تدخل تكتب الرغبات هتظهرلك الصوره دي هتتاكد من البيانات بتاعتك عادى وبعدين تدخل على الخطوه التالية
اما اذا كنت كتب رغباتك وعايز تعدلها هتظهرلك صوره دي
تنوية 📢 كتابة الرغبات بتستمر 3 أيام يحق للطالب تعديل الرغبات خلال ال 3 أيام عند التعديل هتظهرلك صوره رقم ( 5 )
بعد ماتضغط على الخطوه التالية هتظهرلك صوره لو ضغطت على التخصص زى صوره دي
استعراض كل الكليات أو المعاهد المندرجة تحت التخصص يعنى كليات علمى رياضه مثلا هتظهرلك زى صوره دي
او لو ضغطت الاختيار بالجامعات، ثم استعراض كل الكليات المندرجة تحت الجامعة. زى صوره دي
كدا يبقى أنا حددت طريقه اضافه الكليات أما بالتخصص وتظهرلى كل الكليات الخاصه بالشعبة بتاعتى فى كل جامعة او عن طريق الجامعة وأنا أضيف الكليه فى الجامعة ثم اغير الجامعة واختر الكليه وهكذا الأفضل اختار التخصص وريح دماغك 📢📢📢( الخلاصه يعنى )
التوزيع الجغرافي 👏
ركز بقى فى اللى جاى قدامى 70 رغبه أو اكتر لازم اكتبهم السوال هنا هتكتبهم أزى ! 🧐
مثال أنا طالب من القاهره وعايز اكتب أول رغبه عندى حاسبات ومعلومات يبقى أبص للتوزيع الجغرافى اللى هو بيقولى لازم تكتب
لازم تكتب مجموعة ( أ ) الأول ثم مجموعة ( ب )
هتفهم يعنى أى مجموعة أ و ب من لنك التوزيع الجغرافى اللى فوق دا 👆
يبقي هتكتب كدا بالترتيب
- حاسبات ومعلومات القاهره
- حاسبات ومعلومات عين شمس
- حاسبات ومعلومات حلوان
- حاسبات ومعلومات بنها
- حاسبات ومعلومات الفيوم
وبعد كدا باقى المحافظات حاسبات ومعلومات من الأقرب للأبعد أى حاجة غير كدا الموقع هيقولك خطأ فى التوزيع الجغرافى زى صوره دي
ودى برضوا تفاصيل التوزيع الإقليمى الكليات اللى مش موجوده اللى فى محافظات معينه اقدر ادخل اى فيهم الرابط دا هيوضحلك :
التوزيع الاقليمي للكلياتبعد حاسبات ومعلومات تدخل على الكليه اللى عايزه التانيه فى مجموعة أ الاول ثم ب ثم باقى المحافظات وهكذا لحد ماتكمل كل الرغبات بعد ماتضغط الخطوه التالية هتظهرلك الصوره دي هتتاكد من بياناتك ثم تضغط تسجيل
هتظهرلك صوره أخيره بالتسجيل بتاعك وبياناتك الأفضل ان تطبعها وتخلى صوره منها معاك الافضل يعنى وبكدا يابطل أنت سجلت رغبات وفى انتظر نتيجة التنسيق بعدها باسبوع علشان نقولك مبروك تم قبولك فى الكليه كذا 
بالتوفيق للجميع
