مراجعة اللغة الفرنسية للقوافل التعليمية للثالث الثانوي 2016
بسم الله الرحمن الرحيم , مع مراجعة اللغة الفرنسية للقوافل التعليمية ثانوية عامة 2016 للصف الثالث الثانوي تؤهلك للحصول علي الدرجة النهائية في اللغة الفرنسيةعلي السريع كدا بما انه موسم امتحانات ربنا ما يقطعلكم عادة، دول شوية نصائح واساليب ممكن تستخدموها في المذاكرة.
1 - حدد الهدف الأول من مذاكرتك.. يعني انت بتذاكر عشان تتعلم، ولا بتذاكر عشان تدخل امتحان؟ بعد ما تحدد الهدف ابدأ بقى صمم مذاكرتك بالشكل اللي يخدم هدفك.
2 - ممكن تستخدم Pomodoro technique، ودي طريقة سهلة عشان تقسم بيها وقت مذاكرتك، عبارة عن انك تخلي مدة مذاكرتك 25 دقيقة وبعدها تاخذ خمس دقائق راحة وهكذا لحد اربع مرات وبعدهم تاخذ استراحة طويلة شوية من ربع لنص ساعة مثلا.. مش شرط تلتزم بالوقت الى هو 25 دقيقة، في ناس بتجود وتذاكر 50 دقيقة وعشر دقايق راحة وهكذا.. شوف الأنسب ليك ايه واعمله.
3 - طبعا لو هتستخدم الطريقة السابقة او اي طريقة ثانية للمذاكرة، لازم تبقى مجهز ادواتك وحاجتك وكتبك واقلامك وما فيش جنبك اي جهاز كمبيوتر او موبيل .. تقول هد خل على جروب الدفعة خمس دقايق اشوف ايه المنهج هتلاقي نفسك فجأة باقي على الامتحان عشر دقايق.. اوعى
4 - ولو مش عارف تقفل ال فيسبوك والسو شيال ميديا بمزاجك، اقفلهم غصب عنك.. ممكن تستخدم تطبيق حول للمتصفح اسمه Stay focused عبارة عن extension بتسطبها وبتخليك تتحكم في الوقت اللى تقضيه على اي موقع ولما الوقت بتاعك ينتهي بتلاقي الموقع قفل ومتعر فش تفتحه الا تاني يوم.. أما بالنسبة للموبايل ممكن تستخدم تطبيق كويس اسمه self control تضغط فيه علي التطبيقات اللى عايز تقفلها والمدة وهو بيقوم بالباقي .. ساعتها بقى قوم اتفرج على MBC2 =D ..
5 - وانت بتذاكر اشرح لنفسك.. يعني اقرأ الاول بتركيز وافهم، وبعد كدا ورقة وقلم واعتبر نفسك المدرس والطالب في نفس ذات اللحظة واشرح لنفسك.. وممكن تشوف زميلك تشرح ليه.. كل ما تشرح الموضوع لنفسك او لغيرك كل ما المعلومات هتثبت في دماغك.
6 - ما لا يُكتب، لا يُذكَر.. هتقعد تقول انا بحفظ المعلومات ومش محتاج اكتب وهقرأ بس ابقى تعالى قابلني.. اكتب ولخص بنفسك.
7 - على ذكر التلخيص بردو ممكن تستخدموا Cornell system .. دي طريقة تستخدم لتسجيل الملاحظات عبارة عن انك برسم سطر بالطول كدا عند ثلث الورقة ويبقى المربع دا خاص بالـ keywords والثلثين الباقيين للـ notes، وتيجي من تحت اخر خمس ست سطور تخليهم للـ summary. شخصيا انا بشيل الـsummary، ممكن وانتوا بتذاكروا تسجلوا ملاحظات مهمة .
8 - القراءة: وانت بتقرأ المنهج هتستخدم طريقة لطيفة بردو تخلي المعلومات تثبت بسهولة كالتالي: 1 - أول ما تقرأ اقرأ اول بر جراف في الشا بتر او الموضوع اللى بتذاكره واخر بر جراف فقط دول غالبا فيهم الخلاصة بيعيطك فكرة عامة عن الموضوع اللى بتذاكره.
- بعد كدا ارجع واقرأ اول سطرين تلاته من كل بر جراف في الموضوع، هيخلوك بردو تاخذ فكرة أكتر عن الموضوع بيتكلم عن ايه واهم النقاط اللى فيه.
- آخر حاجة بقى اقرأ الموضوع كله من اوله لاخره بتأني وتركيز.. كدا انت هتكون قرأت اكتر من مرة بشكل ما ودا هيساعدك تثبت المعلومات عندك.
9 - حاول تدعم مذاكرتك بكل أنواع الـ visuals ومتكتفيش بالـ text بس.. يعني اتفرج على صور وشوف فيديوهات وانفوجرافيك.. النت مليان يعني، والحاجات دي هتساعدك تفتكر المعلومات.. يعني على سبيل المثال انت ممكن تقعد تحفظ في شكل مرض معين في حين انك لو شفت صورتين تلاتة ليه هتلاقي نفسك بتستنبط الشكل بتاعه ومواصفاته من الصور دي.. حلوة كلمة تستنبط دي
10 - ومسك الختام، مش انت لوحدك اللى ضايع، ومش انت لوحدك اللى مش عارف حاجة في المنهج، انت مش لوحدك يا فواز في منك كتير.. استهدى بالله انت بس وابدأ ركز وذاكر، انت طول عمرك بتلم المادة في يومين تلاتة وبتنجح يعني فمتعقدش نفسك
وربنا معانا ويوفقنا وينجحنا..
مراجعة اللغة الفرنسية للقوافل التعليمية ثالث ثانوي 2016
تحميل : مراجعة اللغة الفرنسية للقوافل التعليمية ثالث ثانوي 2016
قد يروق لك مشاهدة :
- افضل تجميعه مراجعة نهائية للثانوية العامة 2016 بالاجابات رابط متجدد
- جميع امتحانات الثانوية العامة السودان 2016 اجابات نموذجية
- جميع اجابات كتب خارجية اللغة الانجليزية للثانوية العامة 2016
وفي الاخير اتمني ان يفيدك هذا الموضوع في الحصول علي الدرجة النهائية في مادة الجغرافيا السياسية geographic للثانوية العامة 2016 ان شاء الله
ننتظر مشاركتكم للرابط و تعليقاتكم المشجعة فهي الوقود الذي يحركنا من اجل مساعدتكم وفقكم الله ورعاكم وسدد خطاكم والله اسال ان تكونوا من أوائل الثانوية العامة يارب , فقط افعل ما في وسعك ولا تقلق
" لا يكلف الله نفسا الا وسعها " سورة البقرة - الآية 286
؛ اذا انت تقدر تحقق حلمك والي ان نلتقي مجددا لكم منا اطيب التمنيات بالتوفيق والنجاح المنقطع النظير يارب والله اسال ان يعطيكم علي قدر حلمك وزيادة لا علي قدر تعبكم آمين . للانضمام مجانا للموقع للحصول علي الاشعارات يجب عليك ان تشترك ببريد الجميل الخاص بك من هنا :
