شرح الفيزياء للاستاذ محمد عبد المعبود للثانوية العامة - قناة الرحمة 2017
بسم الله الرحمن الرحيم , نعرض لكم شرح مادة الفيزياء للصف الثالث الثانوي علي برنامج "البرامج التعليمية" في قناة الرحمة الفضائية شرح الأستاذ محمد عبد المعبود معلم مادة الفيزياء بوزارة التربية والتعليم للثانوية العامة والأزهرية .في هذا العام يبدأ مستر محمد عبد المعبود شرح الفيزياء من الأول عكس ما فعل في العام الماضي بدأ بكيرتشوف علي طول ، اسال الله ان يجعل الفهم حليفكم والنجاح صاحبكم والدرجة النهائية من حظكم ونصيبكم يارب :) .
تجربتي مع مادة الفيزياء في الثانوية العامة 2015
دخلت السنة واساسيات الفيزياء والقوانين الي اخدتها قبل كدة ناسيها وكنت داخل مرعوب من الاسم زائد ان مكان الدرس كان بعيد عليا ساعة تقريبا السنة مشت عادي عدي شهر والاستاذ عمل امتحان فيزياء علي الي فات وكانت المفاجئة الكبري درجتي كانت 16 من 30 !! متخيل الدرجة ؟ عرفت ايه هي كانت غلطاتي واتضح ان كلها كان نظري مثلا لو في سؤال علل مكنتش بكتب القانون بتاعه لو مسالة كنت بعوض علي طول من غير ما بكتب القانون اي تعريف ما بكتبهوش كاملا ، رجعت البيت وانا مضايق جدا قررت اني اجيب شرح من علي النت وافضل اعيد فيه لحد ما الدرس يثبت وافهمه تابعت برنامج مدرسة علي الهواء بس للاسف كان الوقت طويل في الشرح زائد ان وميعاد محاضرة الفيزياء كان بيبقي عليا درس وقتها كنت بضطر اسهر عشان اشوف الاعادة لحد ما عرفت انهم بيرفعوا علي اليوتيوب ، في الوقت ده كان مستر محمد عبد المعبود لسة هيشرح المنهج من الأول علي قناة الرحمة والوقت بتاع الشرح كنت فاضي فيه بجد استفدت منه وكان مجموع درجات كل شهر في تحسن وبتزيد ومن ساعتها حبيت الفيزياء نقصت فيها درجة واحدة بس مش عارف ليه ؟! حابب اديك الزتونة في الفيزياء .
- سيبك من الي يقولك الفيزياء صعبة ! طيب ما هي صعبة ومش عارف اذاكرها اهي ... في فرق بين انها صعبة وبين انك مش عارف تذاكرها ، وبعدين حتي لو انت بتقول انها صعبة او هي سهلة فكدة او كدة هتمتحنها اخر السنة حاول تشوفلك حل .
- هتكتشف بعد ما تمتحن الفيزياء ان الامتحان سهل جدا لدرجة انك هتقول خسارة الوقت الي ضيعته في الحل ومذاكرة الفيزياء بس احب اقول لولا الوقت الكتير ده مكنتش هتعرف تحل .
- اهتم بالنظري وحاول تعرف تتطلع من القانون التعريف ما تحفظش التعريف .
- اي سؤال علل لازم تبدأ بكتابة القانون لانه عليه نصف الدرجة .
- سؤال الوحدات وازي تعرف الوحدة المكافئة شوف ده : طريقة حل الوحدات المكافئة بإستخدام الأرقام
- كتاب الامتحان فادني جدا في المراجعة النهائية مجمع كل الاسئلة بتاع الابواب التعريفات وعلل والمسائل وكل حاجة .
- لو مش عارف حل المسئلة اكتب القوانين الي تخص الجزء ده علي هيئة مثلثات وشوف ايه المعطيات وعلي اساسة تعرف هتستخدم انهي قانون .
- اوعي تنسي التحويلات لانها مهمة الممتحن بيحب يلاعبك بيها في الامتحان عشان ياخد منك درجة خليك ناصح .
- سؤال الرسم البياني لازم المدرس يشرحهولك وتحاول تدرب عليه بايدك لان السؤال الخامس الي فيه الرسم البياني بيبقي سهل جدا لو عرفت ترسم .
- راجع مراجعة دورية من كتاب المدرسة عشان تتعود تجاوب اجابة نموذجية .
- في الامتحان بيجيلك استنتاج من الاستنتاجات الي عليك خليك جاهز ليه .
- جمع المتشابهات في المنهج واعملهم مقارنة زي قاعدة فلينمج وقاعدة امبير وقاعدة عقارب الساعة ومثل مستويات الطاقة وقوانين الاجهزة والتعليلات الي عليها ... الخ .
- تأكد ان ما تزرعه اليوم سوف تحصده غدا فازرع أمل وعزيمة وصبر تلقي نجاح وتفوق .
شاهد من هنا اذا وجاهتك اي مشكلة
أفضل مواضيع واهمها قد تفيدك وانصحك وبشدة مشاهدتكم فكل موضوع مبزول فيه جهد
- قناة الرحمة التعليمية 2017 اللغة العربية للأستاذ أحمد منصور الثانوية العامة
- مذكرة قانون أوم وكيرشوف فيزياء علاء منير : مذكرة فيزياء علاء منير
- 150 مسألة فيزياء كهربية للثالث الثانوي - بالاجابة : مسائل فيزياء كهربية بالاجابة
- جميع افكار مسائل الفيزياء الكهربية 2016 افكار الفيزياء الكهربية للثانوية العامة
- قوانين الفيزياء - افكار مسائل الفيزياء تجميع قوانين الفيزياء في ملف واحد
- مذكرة نظري الفيزياء في 11 صفحة كل نظري مادة الفيزياء في 11 ورقة
- مذكرة مراجعة نهائية فيزياء أ/علاء منير مذكرة استاذ علاء منير في الفيزياء للمراجعة
- مدرسة علي الهواء فيزياء الثالث الثانوي 2017/2018 مدرسة علي الهواء فيزياء
