نموذج اجابة امتحان اللغة الانجليزية شهادة اتمام المرحلة الثانوية العامة للعام الدراسي 2017/2018 - الدور الأول
بسم الله الرحمن الرحيم ، حصريا نموذج الاجابات الرسمي من وزارة التربية والتعليم لامتحان اللغة الانجليزية ، صباح اليوم ادي طلاب الصف الثالث الثانوي امتحان مادة اللغة الانجليزية في تمام التاسعة من صباح اليوم 12/6/2018 ، سادت حالة من الغضب بين الطلاب بسبب صعوبة اجزاء الامتحان ، واختلفت اراء مدرسي مادة الانجليزي عبر وسائل التواصل الاجتماعي خاصة فيسبوك في الجروبات التعليمية منهم من يضع اللوم علي واضع الامتحان لعدم مراعاته الظروف وطريقة وضعه للاسئلة غير ملائمة.وعقب استاذ المادة اسامة سرحان قائلا «الإمتحان ينجح فيه الطالب المتوسط ... لكن الحصول على الدرجة النهائية للمتميزين فقط وسؤال صغير كده لواضع الإمتحان ... هو كتاب المدرسة فيه أفكار الجرامر اللى انت جايبها دى؟؟؟ ... وهو المنهج بتاعكم فى كلمات الترجمة دى ولا كلمات أسئلة القصة دى؟ وترجعوا تقولوا الطلبة بتاخد دروس ليه ... ماهو من بعدكم عن المنهج وأفكار الكتاب المدرسي» .
واضاف استاذ محمد عبد السلام كاسب قائلا «الجملة دي Charitable organisations argue with handicapped rights. واضع الامتحان أخطأ في اختيار لفظ HANDICAPPED ولو في دولة تانية ممكن يتحاكم بتهمة العنصرية ضد طائفة من البشر» .
بينما كان للاستاذة رباب الزقزوق رأي آخر «رأيي الشخصي في امتحان الثانوية العامة للغة الانجليزية ، وليه كل سنه بيحصل نفس السيناريو من زعل وعياط وصدمات ويبقي الامتحان صعب ، انا شايفة ان السبب بيرجع ان الطالب ف سنة تالتة بيذاكر منهج سنة 3 بس والمدرسين يأكدوا ليهم انه جاي جاي الاسئلة دي اعرف مدرسين بيحفظوهم حتي اسئله الاختياري ، لكن ف الاخر مبيجيش منو الا ٤٠% بس ف الامتحان و الباقي قدرات شخصيه لكل طالب وبالذات قدراته ف اللغة طبعا الطلاب ملهمش ذنب وهما الضحية بين الدولة وتوقعات المدرسين ، العيب في طريقه الحفظ الي الطلاب اتعودوا عليها من زمان الطريقه الي بتخلي ناس خرجت من المدرسة مش معاهم اللغة مع انهم اتعلموها ١٢ سنه وف الاخر ميعرفوش يكتبو جملة من دماغهم او يقولها ويتكلمو انجليزي من غير مايدخلوا كلية حتي ،، اتعودوا من ابتدائي للبراجراف اي صورة جتلهم يكتبو i can see وبس وميعبروش بجمل من تعبيرهم وكده كده بينجحوا ، مثلا السنه دي ف ٣ ث مفيش سؤال واحد مباشر جه ف القصه عايزينهم يعبروا عن الاجابة بطريقتهم وهما كده كده عارفين الاحداث فطبعا معرفوش يحلو لان هما حفظينوا كده وهنا حصل المشكلة دي ،،، انا بنصح اي حد عايز يقفل ف الانجليزي ميحجمش نفسو بمنهج سنه 3 بس ويهتم بالانجليزي قبل سنه ٣ كويس يتعلم في الصيف ويعرف كويس جدا يعبر عن الي جواه بالانجليزي ويتكلم بحيث لو اتزنق يعبر عادي ويألف ويبقي معاه كلمات لغوية كتير ودي نصيحتي لاي حد عايز يجيب درجه فيه بعد كده لان دي لغة ، لغة يعني لازم يعرف يفكر بيها ويتكلم بيها مش يحفظ يونتات وبس»
واليكم اجابات امتحان مادة اللغة الانجليزية من اروقة غرف عمليات التصحيح والرصد
واليكم اجابات امتحان مادة اللغة الانجليزية من اروقة غرف عمليات التصحيح والرصد
